Roberto Faenza

Roberto Faenza (1943-yil 21-fevral, Turin) — italiyalik kino rejissyor. Siyosatshunoslik bo'yicha diplom olgan va Centro Sperimentale di Cinematografia'ni tamomlagan. Rejissyorlik debyutini 1968-yilda o'sha davrning xalqaro muvaffaqiyati bo'lgan "Escalation" filmi bilan boshlagan; bu film orta hol ota va uning xippi o'g'li o'rtasidagi munosabatlar orqali hokimiyatning turli qirralarini yoritib beradi. Shundan so'ng darhol 1968-yilgi harakatga bag'ishlangan "H2S" filmini suratga oldi, biroq film taqdimotidan ikki kun o'tib musodara qilindi va qayta namoyish etilmadi. Ushbu voqeadan keyin u Vashingtondagi Federal City College'da dars berish uchun AQShga yo'l oldi.