Roberto Benigni

Roberto Benigni (1952 yil 27 oktyabrda Italiyaning Arezzo shahridagi Misericordia qishlog'ida tug'ilgan) — komediya janridagi rollari, xususan, o'zi bosh rolni ijro etgan va «Eng yaxshi aktyor» nominatsiyasida Oskar mukofotiga sazovor bo'lgan «La vita è bella» (1997; Hayot go'zal) filmi bilan tanilgan italyan aktyori va rejissyoridir. Benignining otasi kambag'al ijarachi dehqon bo'lib, Ikkinchi jahon urushi davrida nemislarning majburiy mehnat lagerida bo'lgan. Otasi boshidan kechirgan voqealarni hazil-mutoyiba bilan hikoya qilishi o'g'lining komedik mahorati shakllanishiga katta ta'sir ko'rsatgan. Benigni Florensiyadagi iyezuitlar seminariyasida qisqa muddat o'qigan, sehrgar yordamchisi bo'lib ishlagandan so'ng, 1960-yillarning oxirida yashirin teatr guruhiga qo'shilgan.