Robert Pattinson

Robert Duglas Tomas Pattinson 1986-yil 13-mayda tug'ilgan britaniyalik aktyor. Katta budjetli blokbasterlar va mustaqil filmlardagi turfa xil rollari bilan tanilgan Pattinson dunyoning eng ko'p haq oladigan aktyorlari qatoriga kiradi. 15 yoshida London teatr klubida aktyorlikni boshlagan Pattinson o'zining kino faoliyatini "Harry Potter and the Goblet of Fire" (2005) fantastik filmidagi Sedrik Diggori roli bilan boshlagan. Dunyo miqyosida umumiy daromadi 3,3 milliard dollardan oshgan "The Twilight Saga" (2008–2012) film seriyasidagi Edvard Kallen obrazi unga olamshumul shuhrat keltirdi. "Remember Me" (2010) va "Water for Elephants" (2011) romantik dramalaridan so'ng, Pattinson mualliflik kinolaridagi rollari uchun tanqidchilar olqishiga sazovor bo'ldi. U Devid Kronenbergning "Cosmopolis" (2012), Devid Mishodning "The Rover" (2014), Jeyms Grejning "The Lost City of Z" (2016), Safdi akasining "Good Time" (2017), Kler Denining "High Life" (2018) hamda Robert Eggersning "The Lighthouse" (2019) kabi filmlarida bosh rollarni ijro etdi. U Kristofer Nolanning "Tenet" (2020) josuslik filmida bosh rolni ijro etib asosiy kinoga qaytdi va Mett Rivzning "The Batman" (2022) filmida DC Comics superqahramoni – Betmen rolini o'ynadi.