Robbie Williams

Robbi Uilyams — britaniyalik qo‘shiqchi, qo‘shiqnavis va aktyor. "Take That" pop-guruhining a'zosi bo‘lib, 1990-yillarning o‘rtalarida shuhrat qozongan. 1995-yilda yakkaxon ijodini boshlash uchun guruhni tark etgan, 2010-yilda esa yana unga qaytgan. Butun dunyo bo‘ylab 55 milliondan ortiq albomi sotilgan Uilyams Buyuk Britaniyadagi eng muvaffaqiyatli yakkaxon ijrochi sanaladi. U 15 ta "BRIT Awards" va 7 ta "ECHO Awards" mukofotiga sazovor bo‘lgan hamda 2004-yilda "Buyuk Britaniya musiqa shon-shuhrat zali"ga kiritilgan.