Rob Corddry

Robert Uilyam "Rob" Korddri (1971-yil, 4-fevralda tug'ilgan) — amerikalik aktyor, komik, ssenariynavis va rejissyor. U Jon Styuart bilan birgalikdagi The Daily Show ko'rsatuvi va "Hot Tub Time Machine" komediya filmidagi bosh roli bilan mashhur. Shuningdek, u Children's Hospital serialining muallifi va bosh rol ijrochisi hisoblanadi. U Blackballed: The Bobby Dukes Story (2004) filmida bosh qahramonni, "The Heartbreak Kid" filmida Ben Stiller qahramonining yaqin do'sti Mak rolini o'ynagan. Shuningdek, Old School (2003), Blades of Glory, Semi-Pro, I Now Pronounce You Chuck and Larry, Failure to Launch va The Ten filmlarida ko'rinish bergan. Korddri Harold & Kumar Escape from Guantanamo Bay filmida AQSH Ichki xavfsizlik departamentining asabiy agenti Ron Foks rolini, W. filmida Ari Fleycher obrazini va What Happens in Vegas filmida ham suratga tushgan. 2010-yilda u Jon Kyusak bilan birga Hot Tub Time Machine va uning davomi Hot Tub Time Machine 2 filmlarida, 2013-yilda esa Jonatan Levinning Warm Bodies filmida zombi M rolini ijro etgan. 2006-yil 12-iyunda Webby mukofotining 10-yillik taqdirlash marosimini olib borgan. 2007-yildan serial yopilgunga qadar Fox telekanalining The Winner komediyasida bosh rolni ijro etgan.