Rithy Panh

Rithy Panh (khmercha: ប៉ាន់ រិទ្ធី) — fransuz-kambodjalik rejissyor, kino prodyuser, ssenariynavis, montajchi, aktyor va yozuvchi. 1975 yilda va undan keyingi yillarda Kambodjada Qizil kxmerlar rejimi davrida u ota-onasi va oilasining bir qismini yo'qotdi, yosh Rithy eng dahshatli vahshiyliklarning guvohi bo'ldi. 1979 yilda u omon qolib, Tailanddagi Mairut lageriga yetib bordi va 1980 yilda Fransiyaga keldi. Rithy Panh o'z asarlarida hayotiy lavhalarni mahorat bilan muhrlab kelmoqda, uning qahramonlari kamerani unutgandek tabiiy harakat qilishadi. Uning ijodi xotira mashaqqati va Pol Pot rejimidan omon qolganlarning og'rig'i bilan sug'orilgan. U kino orqali kambodja madaniyatini qaytadan kashf etishga harakat qiladi.