Ringo Starr

Richard Starkey (1940-yil, 7-iyulda tug‘ilgan) – Ringo Starr sahna nomi bilan tanilgan ingliz musiqachisi, qo‘shiqchi-qo‘shiqnavis va aktyor. U butun dunyoga "The Beatles" guruhining barabanchisi sifatida mashhur. 1960-yilda guruh tuzilganida, Starr Liverpulning "Rory Storm and the Hurricanes" guruhida bo‘lgan. U 1962-yil avgust oyida Pete Bestning o‘rniga "The Beatles"ga qo‘shilgan. Barabanchilikdan tashqari, u guruhning muvaffaqiyatli qo‘shiqlari, jumladan, "With a Little Help from My Friends", "Yellow Submarine" va "Act Naturally"da asosiy vokalchi bo‘lgan, shuningdek, "What Goes On", "Don't Pass Me By" va "Octopus's Garden" qo‘shiqlari muallifligida ishtirok etgan. Starr o‘zini "hazilakam barabanchi" deb ta'riflagan bo‘lsa-da, uning guruh musiqasiga qo‘shgan hissasi keyingi davr musiqachilari tomonidan yuqori baholangan. Barabanchi Steve Smithning so‘zlariga ko‘ra, Starr barabanchini guruhning teng huquqli kompozitorlik a'zosi sifatida ko‘rsatadigan yangi paradigmaga asos solgan. 2011-yilda "Rolling Stone" o‘quvchilari tomonidan barcha davrlarning eng yaxshi beshinchi barabanchisi deb tan olingan.