Richard Ng Man-Tat

Richard Ng Man-Tat (1952-yil 2-yanvar — 2021-yil 27-fevral) — Gonkong kino sanoatining koʻplab filmlarda suratga tushgan faxriy aktyori. Ng mashhur aktyor va rejissyor Stiven Chov bilan birgalikda gonkongcha slapstik komediyaning oʻziga xos janri boʻlgan "mo lei tau" (maʼnosi: "mantiqsiz" yoki "tasodifiy") filmlar seriyasida hamkorlik qilgan. Ng Stiven Chov bilan birgalikda TVB telekanalining "Final Combat" (1989) serialida va 1990-yilda suratga olingan mashhur "All for the Winner" filmida Chovning amakisi rolida birga oʻynagan. Shundan soʻng ularning ikkisi "All for the Winner" uslubidagi koʻplab "mo lei tau" filmlarida birga suratga tushishgan. Ng Man-Tat oʻz mashhurligining koʻp qismini Chov bilan komediya filmlarida birga ishlaganiga qarzdor boʻlsa-da, turli xil murakkab rollarni ham muvaffaqiyatli ijro eta oladigan qobiliyatli aktyor ekanini koʻrsata olgan. Uning isteʼdodiga mukammal misol qilib "Portland Street Blues" filmidagi qahramonning otasi rolini keltirish mumkin. Shuningdek, u "Lee Rock" filmlar seriyasida Endi Lau qahramonining sherigini ham jiddiyroq rolda gavdalantirgan. Gonkongda Ng Man-Tat koʻpincha "Tat amaki" deb atalgan.