Richard Dormer

Richard Dormer — shimoliy irlandiyalik aktyor, dramaturg va ssenariynavis. Lisburn shahrida tug‘ilgan. London Qirollik san'at kollejiga qabul qilingach, u RADA aktyorlik maktabida o‘qish uchun stipendiyani qo‘lga kiritadi. Londonda bir muddat ishlab, yashagandan so‘ng Shimoliy Irlandiyaga qaytadi. Hozirda Belfastda istiqomat qiladi va rejissyor Rachel O'Riordan bilan turmush qurgan. Dormer o‘zi yozgan va bosh rolni ijro etgan "Hurricane" filmidagi snuker yulduzi Alex Higgins obrazi bilan tanilgan. Ushbu ijro tanqidchilar va hattoki Higginsning o‘zi tomonidan yuqori baholangan, Richard esa 2003-yilda "The Stage" mukofotiga sazovor bo‘lgan. Shuningdek, u Frank McGuinness'ning "Observe the Sons of Ulster Marching Towards the Somme" spektaklidagi roli uchun 2004-yilda "Irish Times" mukofotini qo‘lga kiritgan. U teatr sahnasida "You Can Never Tell", "Much Ado About Nothing", "Private Lives" va "Waiting for Godot" kabi asarlarda rol o‘ynagan. Bundan tashqari, u Belfastdagi Ransom teatr kompaniyasi orqali "The Half" va "Gentleman's Tea Drinking Society" kabi qator pyesalar yozgan hamda BBC Radio 4 uchun yigirmadan ortiq radiopyesa va hujjatli filmlarni ovozlashtirgan.