Richard Burton

Richard Burton CBE (asli Richard Walter Jenkins Jr.; 1925-yil 10-noyabr – 1984-yil 5-avgust) — uelslik aktyor. Yoqimli bariton ovozi bilan tanilgan Burton 1950-yillarda kuchli Shekspir aktyori sifatida tanildi va 1964-yilda Hamlet rolini mahorat bilan ijro etdi. Tanqidchi Kennet Tynan uni "Olivening munosib vorisi" deb atagan. Maylga beriluvchanligi sababli Burtonning bu kutilmalarni toʻla oqlay olmagani ayrim tanqidchilar va hamkasblarini ranjitgan boʻlsa-da, u oʻz avlodining eng mashhur aktyorlaridan biri sifatida eʼtirof etiladi. Burton yetti marta Oskar mukofotiga nomzod boʻlgan, biroq biror marta ham qoʻlga kiritmagan. Shuningdek, u BAFTA, Oltin globus va Tony mukofotlari sovrindori boʻlgan. 1960-yillarning oʻrtalarida Burton eng kassabop aktyorlar qatoriga kirdi. 1960-yillarning oxiriga kelib esa dunyodagi eng koʻp haq oladigan aktyorlardan biriga aylanib, 1 million dollar yoki undan koʻp gonorar hamda tushumlardan ulush olgan. Burton jamoatchilik ongida ikkinchi rafiqasi — aktrisa Elizabeth Taylor bilan chambarchas bogʻlangan holda qoldi. Ularning ikki marta turmush qurib, ikki marta ajrashgan tartibsiz munosabatlari doimo yangiliklar markazida boʻlgan.