Richard Arlen

Richard Arlen (haqiqiy ismi Sylvanus Richard Mattimore) — amerikalik kino va televideniye aktyori. Birinchi jahon urushi davrida Qirollik Kanada uchuvchilar korpusida xizmat qilgan. Urushdan so'ng neft konlarida ishlagan, gazetalarda muxbir bo'lib faoliyat yuritgan. Gollivudda tasodifiy baxtsiz hodisadan so'ng (mototsiklda Paramount Pictures studiyasi oldida oyog'ini sindirib olgach), rejissyorlardan biri unga filmda epizodik rol beradi. Dastlab ovozsiz filmlarda, keyinchalik ovozli kinoda suratga tushgan. "Wings" (1927) filmidagi uchuvchi roli bilan shuhrat qozongan. Ikkinchi jahon urushi davrida AQSh Harbiy-havo kuchlarida uchuvchilar yo'riqchisi sifatida ishlagan.