Éric Zemmour

Erik Jasten Leon Zemmur (1958-yil 31-avgust) — fransiyalik esseist, siyosiy sharhlovchi va yozuvchi. Konservativ qarashlari va tez-tez kelib chiqadigan bahsli vaziyatlari bilan tanilgan. 2015-yilda "Prix Combourg-Chateaubriand" mukofotiga loyiq ko'rilgan "Fransuz o'z joniga qasd qilishi" (Le Suicide français) kitobi unga xalqaro shuhrat keltirgan. Shuningdek, 2011-yilda jurnalistik faoliyati uchun "Prix Richelieu" mukofotini olgan. Montreyda tug'ilgan Zemmur "Sciences Po" universitetida tahsil olgan. 1986-yilda "Le Quotidien de Paris" gazetasiga, 1996-yilda esa "Le Figaro"ga ishga kirgan. 2009-yildan buyon "Le Figaro Magazine"da mualliflik rukniga ega. U "On n'est pas couché" (2006–2011), "Ça se dispute" (2003–2014) va "Face à l'Info" (2019-yildan) kabi teleko'rsatuvlar orqali tanilgan. 2011-yildan beri adabiyotshunos Erik Nollo bilan birga "Paris Première" telekanalida "Zemmour et Naulleau" tok-shousini olib boradi. Shuningdek, 2010—2019-yillar davomida RTL radiosida faoliyat yuritgan. Zemmur 2022-yilgi prezidentlik saylovlarida siyosiy tizimga qarshi nomzod sifatida ko'rilgan, biroq o'z nomzodini qo'yish bo'yicha yakuniy qarorini oshkor etmagan.