Reza Rahadian

Reza Rahadian (1987-yil, 5-mart, Bogor, Indoneziya) — indoneziyalik aktyor. O‘rta maktab yillaridanoq aktyorlikka qiziqqan Reza 2004-yilda kino olamiga kirib kelgan. 2009-yilda ilk bor “Citra” mukofotini qo‘lga kiritgach, komediya, melodrama, drama va biografik janrlardagi o‘nlab filmlarda suratga tushdi. U Indoneziya kinosidagi eng iste’dodli va turli rollarni mohirona ijro eta oladigan aktyorlardan biri sifatida tan olingan. Aktyorlik faoliyatini televideniyedan boshlagan Reza “Perempuan Berkalung Sorban” (2009) filmidagi roli uchun Indoneziya kinofestivalida “Eng yaxshi ikkinchi darajali aktyor” mukofotini oldi. U Indoneziyaning uchinchi prezidenti B.J. Habibie obrazini “Habibie & Ainun” (2012) filmida jonlantirib, katta shuhrat qozondi va bu rolni keyinchalik “Rudy Habibie” (2016) hamda “Habibie & Ainun 3” (2019) filmlarida yana ijro etdi. Shuningdek, “My Stupid Boss” (2016), “Imperfect” (2019), “Surga Yang Tak Dirindukan” (2015) va “Gadis Kretek” (2023) kabi mashhur filmlarda bosh rollarni o‘ynagan. Aktyorlikdan tashqari, teatr, rejissorlik va kinofestivallar hakamlar hay’ati a’zoligi bilan ham shug‘ullanadi.