Renée Victor

Renée Victor (1938-yil 25-iyul — 2025-yil 30-may) — amerikalik aktrisa, raqs o'qituvchisi va qo'shiqchi. U Disney•PIXAR studiyasining "Coco" (2017) animatsion filmidagi Abuelita roli, "Weeds" (2005–12) serialidagi Lupita obrazi hamda Bethesda Softworks'ning "The Elder Scrolls V: Skyrim" (2011) videoo'yinida ayol argonlar ovozini ijro etishi bilan tanilgan. Uch opa-singilning to'ng'ichi bo'lgan Victor 1960-yillarda Los-Anjelesga ko'chib o'tib, o'z faoliyatini Xavier Cugat va Perez Prado kabi taniqli dirijyorlar jamoasida qo'shiqchi sifatida boshlagan. Shu davrda u salsa va tango raqsidan dars bergan. 1963-yildan 1973-yilgacha turmush o'rtog'i bilan birgalikda "Ray & Renee" nomi ostida dunyo bo'ylab chiqishlar qilgan. 1970-yillarda KTLA kanalida "Pacesetters" ko'rsatuviga boshlovchilik qilgan. 1973-yilda Kino aktyorlari gildiyasiga a'zo bo'lgach, 1980-yillardan boshlab televideniye va kino loyihalarida, xususan, "Scarecrow and Mrs. King" (1985) va "Matlock" (1987) seriallarida ko'rinish bergan. Filmografiyasidan "The Doctor" (1991), "The Apostle" (1997) va Robert Duvall ishtirokidagi "A Night in Old Mexico" (2013) kabi kinokartinalar o'rin olgan.