Reggie Miller

Reginald Wayne Miller (1965-yil 24-avgustda tugʻilgan) — amerikalik sobiq professional basketbolchi. Oʻzining 18 yillik Milliy Basketbol Assotsiatsiyasi (NBA) faoliyatini toʻliqligicha "Indiana Pacers" safida oʻtkazgan. Miller ayniqsa keskin vaziyatlarda, jumladan, "New York Knicks"ga qarshi oʻyinlarda aniq uch ochkolik zarbalari bilan tanilgan boʻlib, buning uchun unga "Knick Killer" (Knik qotili) laqabi berilgan. Faoliyatini yakunlagan vaqtida u eng koʻp uch ochko kiritgan basketbolchi rekordiga ega edi. Hozirda u bu borada Stephen Curry va Ray Allendan keyin uchinchi oʻrinda turadi. Besh karra All-Star aʼzosi boʻlgan Miller besh marta erkin toʻ tashlash foizi boʻyicha ligada peshqadamlik qilgan va 1996-yilgi Yozgi Olimpiya oʻyinlari oltin medali sohibi hisoblanadi.