Rebecca Jones

Aktrisa va prodyuser Rebecca Jones Fuentes Berain 1957-yil, 21-mayda Meksika shahrida dunyoga kelgan. Otasi amerikalik, onasi meksikalik bo'lgan aktrisa bolalik va o'smirlik yillarini oilasi bilan Kaliforniyada o'tkazgan. Orange Coast kollejida drama san'atini o'rgangan va keyinchalik Meksikaga qaytgan. 1982-yilda "El amor nunca muere" teleseriali orqali debyut qilgan, keyingi yili esa "El maleficio" (1983) kabi muvaffaqiyatli loyihalarda ishtirok etgan. U "The Fallen Angel", "Cuna de Lobos", "The Devil's Smile", "Crystal Empire" va "Para Volver a Amar" kabi ko'plab loyihalarda suratga tushgan. Aktyor Alejandro Camacho bilan turmush qurib, bir nafar farzand ko'rishgan va ijodiy hamkorlik qilishgan, biroq 25 yillik nikohdan so'ng ajrashishgan. So'nggi yillardagi ishlari qatoriga "Las Malcriadas", "La Doña" va "May God forgive you" seriallari kiradi. Shuningdek, NBC telekanali va Disney bilan hamkorlik qilgan. 2018-yilda saraton kasalligiga chalingan aktrisa 2023-yil, 22-martda vafot etdi.