Raz Degan

Raz Degan — aktyor, rejissyor va operator. U Isroilning Sde Nehemia kibbutsida dunyoga kelgan. Isroil armiyasida uch yillik harbiy xizmatni o‘tagach, 21 yoshida model sifatida faoliyat boshlagan va ko‘p sayohat qilgan. 2014–2016-yillarda Italiya, Isroil va Indoneziyada uning ko‘rgazmalari bo‘lib o‘tgan. Nyu-Yorkda model sifatida kashf etilgan Degan keyinchalik kinoindustriyaga o‘tgan. 90-yillarning o‘rtalarida Italiyaga ko‘chib o‘tib, bir qator reklama roliklari va teleseriallarda suratga tushgan. 1994-yilda Robert Altman’ning “Prêt-à-Porter” filmida epizodik rolni ijro etgan. 2004-yilda Oliver Stone’ning “Alexander” filmida Doro III rolini o‘ynagan. 2005-yilda Ermanno Olmi’ning 2007-yilgi Kann kinofestivalini ochib bergan “One Hundred Nails” filmida bosh rolni ijro etgan. 2008–2009-yillarda turli italiyalik kinolarda ijobiy va salbiy qahramonlarni gavdalantirgan. 2009-yilda “Barbarossa” filmida, 2010-yilda esa fransuzlarning “Forces spéciales” filmida Diane Kruger va Djimon Hounsou bilan birga suratga tushgan. Shuningdek, u Italiya televideniyesi uchun Tojikiston, Afg‘oniston, Tibet va Nepal bo‘ylab hujjatli filmlar suratga olgan va 2010-yilda “Mistero” ko‘rsatuvini olib borgan.