Raven-Symoné

Raven-Symoné Christina Pearman (1985-yil 10-dekabrda Jorjiya shtatining Atlanta shahrida tugʻilgan), ijodiy taxallusi Raven-Symoné yoki shunchaki Raven — amerikalik aktrisa, qoʻshiqchi, qoʻshiq muallifi, komediyachi, raqqosa, televideniye prodyuseri va model. Symone muvaffaqiyatli faoliyatini 1989-yilda “A Different World” serialida Oliviya rolini oʻynashdan boshlagan. U 1993 yilda oʻzining ilk “Here's to New Dreams” nomli albomini chiqargan; uning “That's What Little Girls Are Made Of” singli AQShning Billboard Hot 100 chartida 68-oʻrinni egallagan. Symone 1980-yillarning oʻrtalari va 1990-yillarning boshlarida “The Cosby Show” hamda “Hangin' with Mr. Cooper” kabi muvaffaqiyatli teleseriallarda suratga tushgan. 2003-yilda u Disney kanalining oʻta muvaffaqiyatli “That's So Raven” serialida bosh rolni ijro eta boshladi. Bu serialda u kelajakni koʻra oladigan va bu sirni yashirishga urunadigan oʻsmir qiz – Raven Bakster rolini oʻynadi. Symone bu loyihada 2003-yildan 2007-yilgacha qatnashgan. Serial qahramonlari keyinchalik “Cory In the House” spin-offida davom etishgan boʻlsa-da, Symone uning doimiy tarkibiga kirmagan va faqat bitta qismda mehmon sifatida qatnashgan. “That's So Raven”da ishlayotgan paytida u oʻzining uchinchi — “This is My Time” (2004) studiyaviy albomini chiqardi va u Billboard 200 chartida 51-oʻrinni egallab, uning shu paytgacha eng koʻp sotilgan yakkaxon albomiga aylandi. 2008-yilda u toʻrtinchi albomi “Raven-Symoné”ni chiqarib, u Billboard chartlarida 159-oʻrinni egalladi. Keyinchalik u kino olamiga oʻtib, bir nechta filmlarda...