Rasim Balayev

Rasim Ahmad o‘g‘li Balayev — Ozarbayjon kino va teatr aktyori. U 60 dan ortiq Ozarbayjon filmlarida bosh rollarni ijro etgan. Rasim Balayev 1948-yil 8-avgustda Ozarbayjonning Oqsuv tumanida tug‘ilgan. 15-16 yoshidan boshlab teatr sahna ko‘rinishlarida qatnasha boshlagan. Qishloq muhitida voyaga etgani bois oilasi uni boshqa kasbni tanlashga undashga urindi, biroq u o‘z deganidan qolmadi va Ozarbayjon san’at institutiga o‘qishga kirib, uni 1969-yilda tamomladi. Aktyorning katta suddagi ilk kinoijodi “Yulduzlar so‘nmaydi” filmidagi kichik roldan boshlangan. Rasim Balayevga haqiqiy shuhrat uchta filmdagi roli hamda ikkita kinofestivalda — Bokudagi VII Butunittifoq festivalida va Toshkentdagi III xalqaro festivalda ishtirok etishi ortidan keldi. Toshkentdagi festivalda u “Eng yaxshi aktyor” mukofotiga sazovor bo‘lib, kelgusidagi bosh rollar uchun bir qancha takliflar olgan. Uning eng sara rollari sirasiga “Nasimiy”, “Bobek”, “Tovlamachi”, “Latifa” va “Ko‘rshapalak” filmlarini kiritish mumkin.