Rashmika Mandanna

Hindistonlik aktrisa. Qisqa vaqt ichida kannada, telugu, tamil va hind kinosining eng yorqin yulduzlaridan biriga aylandi. Faoliyatini kannada tilidagi "Kirik Party" (2016) filmi bilan boshlagan bo'lsa, tez orada "Geetha Govindam" (2018) kartinasi orqali telugu filmlarining yetakchi aktrisasiga aylandi. "Pushpa" blokbasteridagi "Srivalli" obrazi unga butun Hindiston bo'ylab shuhrat keltirdi. Bollivudga kirib kelgan Rashmika "Animal" (2023) va "Chhaava" (2025) kabi loyihalarda suratga tushib, o'z mavqeini yanada mustahkamladi. U ko'plab mukofotlar, jumladan, nufuzli Filmfare mukofoti sovrindori hisoblanadi.