Biografiya
Ramu Sunil Thrissur tumanidagi Kolazhy shahrida Sunil Raj va Kala Raj oilasida tug'ilgan. U boshlang'ich ta'limni Kolazhylagi Chinmaya Vidyalaya maktabida olgan. Bolaligidan kinoga qiziqqani bois, maktabni tugatgach, Coimbatore shahridagi VRD fanlar kollejida Vizual kommunikatsiya yo'nalishi bo'yicha bakalavr darajasini olgan. Talabalik yillarida Ramu Sunil qisqa metrajli filmlar suratga olgan. Uning ishlaridan ta'sirlangan kollejdagi kursdoshi Abhinav uni o'zi muharrir sifatida ishlayotgan tamil-malayalam tillaridagi «Samsaram Aarogyathinu Haanikaram» filmiga rejissyor yordamchisi sifatida taklif qiladi. Shu tariqa, 2013-yilda Ramu Sunil kino olamiga rejissyor yordamchisi sifatida kirib keldi. Shundan so'ng u «Aaha» filmida ham rejissyor yordamchisi bo'lib ishlagan. Shuningdek, u rejissyor Jofin T. Chacko bilan birgalikda «Rekhachithram» filmi ssenariy mualliflaridan biri sifatida o'z debyutini qildi. Bir nechta qisqa metrajli filmlar yaratgan Ramu Sunil o'zining «18+» filmi uchun FEFKA qisqa metrajli filmlar festivalida mukofotlarni qo'lga kiritgan.
