Rakie Ayola

Rakie Olufunmilayo Ayola — uelslik aktrisa. 1968-yil may oyida Kardiffda tug‘ilgan. Onasi syerra-leonelik, otasi esa nigeriyalik. Rakie onasining amakisi va uning rafiqasi qo‘lida o‘sgan. Glan Ely o‘rta maktabida o‘qigan, Orbit yoshlar teatri, Janubiy Glamorgan yoshlar teatri va xori hamda Uels milliy yoshlar teatrida faoliyat yuritgan. Keyinchalik Royal Welsh College of Music and Drama kollejida uch yillik aktyorlik kursini tamomlagan. 2023-yilda nufuzli BAFTA Cymru Siân Phillips mukofotiga sazovor bo‘lgan. O‘sha marosimda BBC1 kanalining "The Pact" seriali (2-mavsum) uchun "Eng yaxshi aktrisa" BAFTA Cymru mukofotini qo‘lga kiritgan (ushbu loyihada ijrochi prodyuser ham bo‘lgan). 2021-yilda J. MakGoverning "Anthony" filmi uchun BAFTA mukofotining "Ikkinchi plandagi eng yaxshi aktrisa" nominatsiyasida g‘olib chiqqan. Shuningdek, "Kaos", "Grace", "Shetland", "No Offence", "Midsomer Murders", "Black Mirror", "Noughts + Crosses", "Doctor Who", "Silent Witness" va "EastEnders" kabi seriallarda, turli Shekspir pyesalari asosidagi sahna asarlarida hamda "Been So Long", "Now Is Good", "Dredd", "Sahara" kabi filmlarda suratga tushgan. "Holby City" tibbiy dramasining 8-11-mavsumlarida Kyla Tyson rolini ijro etgan.