Rajesh Sharma

Rajesh Sharma — Bollivudning taniqli aktyori, asosan salbiy va komik rollari bilan tanilgan. Kino olamiga 1996-yilda suratga olingan "Maachis" filmi bilan kirib kelgan aktyor bengal kinosida ham katta nufuzga ega. 2000-yillarda faqat bengal filmlarida suratga tushib, 2005-yilda Pradip Sarkarning "Parineeta" kartinasi bilan Bollivudga qaytgan. U Salmon Xon, Vidya Balan, Nasiriddin Shoh kabi san'atkorlar bilan hamkorlik qilgan. Ludxiana shahrida tug'ilgan aktyor Kalkuttadagi Bhawanipur Adarsh Hindi o'rta maktabini tamomlab, Nyu-Dehli Milliy drama maktabida (NSD) tahsil olgan. 17 yoshidan drama to'garaklarida qatnashib, "Gudia Ki Ghar" va "Rangakarmi" kabi spektakllarda sahnaga chiqqan.