Rachel Brosnahan

Reychel Brosnahan (1990-yil 12-iyulda tugʻilgan) — amerikalik aktrisa. U Amazon Prime Video telekanalining "The Marvelous Mrs. Maisel" (2017–2023) komediyaviy serialida stend-ap komik boʻlishni orzu qilgan bosh qahramon rolini ijro etgani bilan tanilgan. Ushbu roli uchun u 2018-yilda "Primetime Emmy" va 2018–2019-yillarda ketma-ket ikkita "Oltin globus" mukofotini qoʻlga kiritgan. Televideniyeda shuningdek, "House of Cards" (2013–2015) siyosiy trilleridagi roli uchun "Emmy" mukofotiga nomzod boʻlgan va "Manhattan" (2014–2015) dramasida suratga tushgan. Kinodagi debyutini 2009-yilda "The Unborn" qoʻrqinchli filmida boshlagan.