Pupo

Enzo Ghinazzi (1955-yil 11-sentabr) Pupo taxallusi bilan mashhur bo‘lgan italyan xonandasi, matn muallifi, teleboshlovchi va dublyaj aktyori. Aretsso provinsiyasidagi Pontichino shahrida tug‘ilgan. 1975-yilda Pupo nomi bilan ilk qo‘shiqlarini taqdim etgan. "Gelato al cioccolato" albomi unga katta shuhrat keltirib, 11 ta oltin disk sohibiga aylangan. 1980-yili Sanremo festivalida "Su di noi" qo‘shig‘i bilan qatnashgan. Shuningdek, boshqa san’atkorlar uchun ham xit qo‘shiqlari yozgan, masalan, Ricchi e Poveri ijrosidagi "Sarà perché ti amo". 1986-yilda "Pupo in the USSR" albomini chiqargan.