Biografiya
Men maktabda o'qib yurgan kezlarimdayoq "The Sky at Night ko'rsatuvini tomosha qilishni boshlagan edim. Judayam omadli chiqdimki, bizning maktabda nafaqat katta teleskop bor edi, balki o'quvchilarga — jumladan, menga va do'stlarimga uning kalitlarini ishonib topshirishga jur'at etgan (yoki tavakkal qilgan) o'qituvchilar ham bor edi. Bunday ulkan teleskopdan foydalanish imkoniyati fanga bo'lgan muhabbatimni yanada kuchaytirdi va meni Kembrijdagi Magdalene kollejiga, Tabiiy fanlar fakultetiga o'qishga kiritdi. Shundan so'ng London universitet kollejida yulduzlarning shakllanish kimyosi bo'yicha PhD darajasini oldim. Doktorlik dissertatsiyasi ustida ishlay boshlagan paytlarimda meni "The Sky at Night" jamoasiga dastlab tadqiqotchi, keyinchalik esa muxbir va boshlovchi sifatida taklif qilishdi. Hozirda asosiy ishim Oksford universitetida tadqiqotchi bo'lib ishlashdan iborat. Mening ilmiy faoliyatim o'ta yangi yulduzlarni (supernovalarni) kashf etish yoki galaktikalarni tasniflash kabi astronomik vazifalarda imkon qadar ko'proq odamlarni jalb etishni o'z ichiga oladi. Shunga qaramay, har oydagi eng quvonchli lahza — bu dastur uchun tasvirga olish jarayoniga borish hamda kometalar, kosmologiya yoki osmonda yuz berayotgan boshqa qiziqarli voqealar haqida suhbatlashishdir.
