Polad Bulbuloghlu

Polad Bülbüloğlu — sovet va ozarbayjonlik xonanda, aktyor, siyosatchi va diplomat. 1945-yil 4-fevralda Bokuda tug'ilgan. Otasi mashhur opera xonandasi Murtuza Rza o'g'li Mammadov («Bulbul») bo'lib, Polad yoshligidan san'at muhitida tarbiya topgan. Boku musiqa akademiyasida Qora Qarayev qo'lida kompozitorlik bo'yicha tahsil olgan. 17 yoshidayoq professional xonandalar va do'sti Muslim Magomayev uchun qo'shiqlar yozgan. SSSRda zamonaviy musiqa uslubi bilan milliy ohanglarni uyg'unlashtirib, yangi yo'nalishga asos solgan. 1982-yilda Ozarbayjon SSR xalq artisti unvonini olgan, «Yil qo'shig'i» festivalida to'rt bor birinchi o'rinni egallagan.