Pierre Chaulet

Pierre Chaulet (1930-yil 27-mart, Jazoir – 2012-yil 5-oktabr, Monpelye) – kelib chiqishi fransuz bo'lgan jazoir shifokori, Jazoir urushi davrida FLN safida mustamlakachilikka qarshi kurashgan mujohid. U Abane Ramdane buyrug'i bilan FLN jangchilari bilan birgalikda maxfiy operatsiyalarni amalga oshirgan. Pierre Chaulet filoksera inqirozi tufayli xonavayron bo'lib Jazoirning Skikda shahriga kelib qolgan onasi tomonidagi bobo-buvivilari hamda temirchi bo'lgan otasi tomonidagi bobosi yashagan Husayn Dey oilasida dunyoga kelgan. Pierre boshlang'ich va o'rta ta'limni xususiy Iezuit maktabida olgani sababli maktab yillarida arab bolalari bilan ko'p muloqot qilmagan. Universitet yillarida Jazoir millatchiligidan xabardor bo'lishi uning Jazoir urushiga bo'lgan munosabatida eng muhim omil bo'lgan. Aynan shu holat unga ijtimoiy tengsizliklarni anglash va Jazoir g'oyasini qabul qilish imkonini bergan. O'sha davrdagi xalqaro geosiyosiy kontekstda mustamlaka dunyosining evolyutsiyasini e'tirof etgan holda, u 1924-yilgi Jazoir xalqining qo'zg'olonini tarixiy nuqtai nazardan mantiqiy deb hisoblagan va o'z tomonini (mustaqillik yoki mustamlakachilik) tanlash kerakligini ta'kidlagan. Pierre Chaulet, shuningdek, bu qo'zg'olonga Jazoir xalqini qamrab olgan ko'plab tengsizliklar (ikki palatali tizim, Jazoir uchun maxsus maqomdagi ovoz berish), matbuot va siyosiy nutqlar sabab bo'lganini tushuntiradi.