Phuwin Tangsakyuen

Phuwin Tangsakyuen — GMMTV agentligi bilan hamkorlik qiluvchi aktyor. Bangkokda tug‘ilib o‘sgan aktyor xalqaro maktabda o‘qigan, so‘ngra Chulalongkorn universitetining axborot va kommunikatsiya muhandisligi fakultetiga o‘qishga kirgan. U ona tilidan tashqari ingliz tilida ham bemalol so‘zlasha oladi. Phuwin 11 yoshidan televideniyeda suratga tusha boshlagan. 2015-yilda Myangthai Rachadalai teatrida namoyish etilgan "The Sound of Music" spektaklida ishtirok etgan. Aktyor 2021-yilda suratga olingan "Fish Upon the Sky" serialidagi roli orqali keng ommaga tanildi. Shuningdek, Phuwin qo‘shiqchi sifatida ham faoliyat yuritib, ko‘plab seriallar, jumladan, o‘zi bosh rolni ijro etgan "Never Let Me Go" serialining "Living for You" saundtrekini kuylagan. 2023-yildan esa dublyaj sohasida ham o‘zini sinab, Overwatch 2 o‘yinidagi Lifeweaver qahramoniga ovoz berdi.