Pedro Luque

Asli urugvaylik bo'lgan Pedro Luque 2016 yilda rejissyor Fede Alvarezning Sony Pictures' Screen Gemsstudiyasi uchun suratga olgan shov-shuvli "Don't Breathe" horror filmi orqali operator sifatida katta sahnaga kirib keldi. Film Critics' Choice Award mukofotining "Eng yaxshi ilmiy-fantastik qo'rqinchli film" nominatsiyasiga sazovor bo'ldi. Film chiqqach, Rolling Stone jurnalida ijod qilgan Piter Travers Luqueni alohida e'tirof etdi: "Buni bunchalik esda qolarli va qo'rqinchli qilgan narsa — Alvarez va operator Pedro Luquening tungi ko'rish moslamalari hamda bor mahoratidan foydalanib bizni o'z tuzog'iga tushirib olishidir". Luque keyinchalik rejissyor Assaf Bernstein (Netflix'ning mashhur "Fauda" seriali rejissyori) bilan 2018 yilda "Look Away" psixologik trillerini, Ben Young bilan 2018 yilda "Extinction" ilmiy-fantastik kartinasini, David Rosenthal bilan 2019 yilda "Jacob's Ladder" remeykini hamda 2021 yilda "Don't Breathe 2" sikvelini suratga oldi. Shuningdek, u Sony Pictures uchun Claire Foy bosh rolni ijro etgan 2018 yilgi "The Girl in the Spider's Web" hamda Lionsgate uchun 2020 yilgi "Antebellum" filmlarida bosh operator sifatida ishlagan. Yaqinda Luque Netflix uchun "La Sociedad de la Nieve" filmi ustidagi ishlarni yakunladi. Los-Anjelesda yashovchi operator rafiqasi va ikki farzandi bilan istiqomat qiladi hamda ingliz va ispan tillarida erkin so'zlashadi.