Pauline Chan Bo-Lin

Asl ismi Chen Baolian bo'lgan Pauline Chan Bo-Lin Xitoyning Shanxay shahrida tug'ilgan. Ota-onasi ajrashgach, 12 yoshida onasi bilan Gonkongga ko'chib o'tgan. Kelishgan qiz e'tibordan chetda qolmadi: fotograflar va agentlar uni tezda payqab, 15 yoshidan modellikka jalb qilishdi. 1990 yilda u «Miss Osiyo» go'zallik tanlovida qatnashdi. Garchi g'olib chiqmagan bo'lsa-da, uning jozibali tashqi ko'rinishi, egiluvchan qomati va nafis yurish-turishi Gonkongning erkin janrdagi kino produserlari e'tiborini tortdi. 18 yoshida kattalar uchun mo'ljallangan filmlarda debyut qilib, qisqa fursatda xitoylik kinoijodkorlar orasida mashhurlikka erishdi. 1997 yilda u o'zidan ancha katta bo'lgan tayvanlik millioner bilan tanishib qoldi va ularning munosabatlari ikki yil davom etgan bo'lsa-da, juda notinch kechdi. 1999 yilda ajrashishgandan so'ng, Channing shaxsiy hayoti va karyerasi izdan chiqa boshladi. Unda bir necha yildan beri giyohvandlik muammosi bor edi va u borgan sari kuchayib bordi — giyohvandlik ta'sirida bo'lgan teleintervyularining birida hatto o'z joniga qasd qilishga urundi. Shundan so'ng u qonun bilan tez-tez muammolarga duch keldi, bir nechta davlatlardan deportatsiya qilindi va Buyuk Britaniyada bezorilik uchun qisqa muddatga qamoq jazosini o'tab qaytdi. Bunday voqealar uning kino karyerasiga deyarli nuqta qo'ydi. U o'zi tug'ilib o'sgan Shanxayga qaytib, 2002 yil iyul oyida o'g'il farzand dunyoga keltirdi. Biroq ona bo'lish ham uning muammolarini hal qilmadi va 2002 yil 31 iyulda u 24-qavatdagi xonadonining derazasidan o'zini tashlab, vafot etdi.