Patrick Wilson

Patrick Joseph Wilson (1973-yil 3-iyulda tugʻilgan) — amerikalik aktyor, rejissyor va xonanda. Aktyorlik faoliyatini 1995-yilda Brodvey musiqali teatrlaridan boshlagan. "The Full Monty" (2000–2001) va "Oklahoma!" (2002) spektakllaridagi rollari uchun ikki karra "Toni" mukofotiga nomzod boʻlgan. Shuningdek, tomoshabinlarga yuqori baholangan HBOʼning "Angels in America" (2003) mini-serialidagi ijrosi orqali tanilgan va buning uchun "Oltin globus" hamda "Emmi" mukofotlariga nomzod qilib koʻrsatilgan. Wilson "The Phantom of the Opera" (2004), "Hard Candy" (2005), "Little Children" (2006), "Watchmen" (2009), "Insidious" (2010), "The A-Team" (2010), "Insidious: Chapter 2" (2013) kabi kinofilmlarda suratga tushgan. Shuningdek, "The Conjuring Universe" (2013–hozirgacha) franshizasida demonolog Ed Warren rolini ijro etgan. Dahshatli filmlarda tez-tez suratga tushgani uchun unga kinomuxlislar tomonidan "qichqiriq qiroli" degan norasmiy nom berilgan. Televideniyeda u CBS telekanalining "A Gifted Man" (2011–2012) drama serialida va FX telekanalining antologik "Fargo" (2015) serialining ikkinchi mavsumida Lou Solverson rolini ijro etib, ikkinchi bor "Oltin globus" mukofotiga nomzod boʻlgan. DC kengaytirilgan koinotida esa "Aquaman" (2018) superqahramonlik filmida Orm Marius / Ocean Master rolini oʻynagan va "Batman v Superman: Dawn of Justice" (2016) filmida AQSh prezidentiga ovoz bergan.