Patricia Hearst

Patricia Campbell Hearst (1954-yil 20-fevral) — amerikalik nashriyot magnati William Randolph Hearstning nabirasi. U 1974-yilda „Symbionese Liberation Army“ guruh tomonidan o‘g‘irlab ketilgandan keyingi voqealar bilan dunyoga tanilgan. 19 oy davom etgan asirlikdan keyin topilgan va og‘ir jinoyatlarda ayblanib hibsga olingan. Sud jarayonida prokuratura Hearst guruhga o‘z ixtiyori bilan qo‘shilganini ta’kidlagan bo‘lsa-da, u asirlikda zo‘rlangani va o‘lim bilan tahdid qilinganini bildirgan. 1976-yilda bank o‘g‘riligida ayblanib, 35 yillik qamoq jazosiga hukm qilingan. Keyinchalik bu muddat yetti yilga qisqartirilgan, prezident Jimmi Karter tomonidan afv etilgan, oxirida esa Bill Klinton tomonidan to‘liq reabilitatsiya qilingan. Patricia Hearst Randolf Apperson Hearst va Ketrin Vud Kempbell oilasida tug‘ilgan besh qizning uchinchisi hisoblanadi.