Parker Posey

Parker Kristian Posey (1968-yil 8-noyabrda tugʻilgan) — amerikalik aktrisa va musiqachi. U “Oltin globus”, “Satellit” va ikkita “Independent Spirit” mukofotlari nomzodi boʻlgan. Posey kinodagi debyutini 1993-yilda “Joey Breaker” filmida amalga oshirgan. 1990-yillar davomida “Sleep with Me” (1994), “Party Girl” (1995), “The Daytrippers” (1996), “Henry Fool” va “The House of Yes” (ikkisi ham 1997-yil) kabi koʻplab muvaffaqiyatli mualliflik kinolarida suratga tushib, “Mustaqil kinolar qirolichasi” degan nom olgan. Shuningdek, u “You've Got Mail” (1998), “Scream 3” (2000), “Blade: Trinity” (2004), “Superman Returns” (2006), “Irrational Man” (2015), “Café Society” (2016) va “Columbus” (2017) kabi taniqli filmlarda ham rollar ijro etgan. U Christopher Guest bilan koʻp bor hamkorlik qilgan boʻlib, uning “Waiting for Guffman” (1996), “Best in Show” (2000), “A Mighty Wind” (2003), “For Your Consideration” (2006) hamda “Mascots” (2016) kabi mokyumentari (soxta hujjatli) filmlarida suratga tushgan.