Pankaj Tripathi

Pankaj Tripathi — asosan hind filmlarida suratga tushadigan hind aktyori. Tabiiy ijro mahorati bilan tanilgan aktyor 2004-yilda "Run" va "Omkara" filmlaridagi kichik rollar bilan debyut qilgan. U shu kungacha 40 dan ortiq film va 60 ta teleserialda ishtirok etgan. Ijodiy faoliyatidagi burilish nuqtasi 2012-yilda "Gangs of Wasseypur" film turkumidagi ikkinchi darajali roli bilan bogʻliq. Shundan soʻng u "Fukrey" (2013), "Masaan" (2015), "Nil Battey Sannata" (2016), "Bareilly Ki Barfi" (2017), "Newton" (2017), "Fukrey Returns" (2017) va "Stree" (2018) kabi koʻplab filmlar uchun tanqidchilar olqishiga sazovor boʻldi. "Newton" filmidagi roli uchun Tripathi, jumladan, Milliy kino mukofotining "Maxsus eʼtirof" (National Film Award – Special Mention) yoʻnalishida bir qancha mukofotlarni qoʻlga kiritgan.