Paige Chua

Paige Chua shou-biznesdagi faoliyatini mashhur "Just In Singapore" serialidagi yirik rol bilan boshlagan. Ungacha 4 yil davomida modellik qilgan, reklama roliklari va jurnallarda suratga tushgan. Singapur milliy universitetini bitirgan Paige sport bilan muntazam shug‘ullanadi. 1997-1999-yillarda milliy netbol jamoasi a’zosi bo‘lgan, biroq jarohati sabab sportdagi faoliyatini yakunlashga majbur bo‘lgan. Hozirda tennis, suzish va yoga bilan shug‘ullanib turadi. Qisqa metrajli filmlarda ham faol ishtirok etadi. Rejissor Royston Tanning "Blind" filmidagi roli unga kinoda omad eshiklarini ochgan. 2010-yilda "The Dream-catchers" serialidagi ijrosi uchun "Star Awards" mukofotiga nomzod bo‘lgan. Shuningdek, 2017 va 2018-yillarda "Hero" hamda "Mightiest Mother-In-Law" seriallaridagi rollari uchun yana nomzodlar qatoriga kirgan. 2012-yilda "LOHAS" ko‘rsatuvi orqali boshlovchilik debyutini qilgan, keyinchalik "The Activist Journey II" va "Renovaid 4" kabi loyihalarda faoliyat yuritgan.