Oscar Isaac

Óscar Isaac Hernández Estrada (1979-yil 9-martda tug‘ilgan) — amerikalik aktyor. O‘zining ijro mahorati bilan Gollivudda lotin amerikalik obrazlar haqidagi stereotiplarni buzishga muvaffaq bo‘lgan. 2017-yilda «Vanity Fair» tomonidan o‘z avlodining eng yaxshi aktyori, 2020-yilda esa «The New York Times» tomonidan XXI asrning eng buyuk 25 aktyoridan biri deb e’tirof etilgan. «Oltin globus» mukofoti sohibi va «Emmi» nomzodi. Gvatemalada tug‘ilib, go‘dakligida oilasi bilan AQShga ko‘chib o‘tgan. Juilliard maktabi bitiruvchisi bo‘lgan Isaac 2000-yillar davomida turli xarakterli rollarni ijro etib kelgan. Uning ilk yirik roli «The Nativity Story» (2006) filmidagi Yusuf obrazi bo‘lgan. «Balibo» (2009) filmidagi Xose Ramos-Xorta roli uchun AACTA mukofotiga loyiq ko‘rilgan. «Inside Llewyn Davis» (2013) musiqiy dramasidagi bosh roli unga xalqaro shuhrat va «Oltin globus» nominatsiyasini olib kelgan. Keyinchalik «A Most Violent Year» (2014), «Ex Machina» (2015) va «X-Men: Apocalypse» (2016) filmlarida suratga tushgan.