Orlando Bloom

Orlando Jonatan Blan-Shard Koplend Blum — ingliz aktyori. U "Uzuklar hukmdori" (2001–03) kino trilogiyasidagi Legolas roli bilan mashhurlikka erishdi. Keyinchalik bu rolni "Hobbit" (2013–14) filmlarida ham takrorladi. O'z davrining Errol Flynn'i sifatida e'tirof etilgan aktyor epik fantastika, tarixiy va sarguzasht filmlarda, xususan, "Karib dengizi qaroqchilari" (2003–07, 2017) seriyasida Uill Terner, " Troy" (2004) da Paris, "Jannat qirolligi" (2005) da Balian de Ibelin va "Uch mushketyor" (2011) da Bekingem gersogi rollari bilan tanildi. Blum, shuningdek, "Black Hawk Down" (2001) urush dramasi, Avstraliya vesterni "Ned Kelly" (2003), "Elizabethtown" (2005) rom-komi va "New York, I Love You" (2007) kabi Gollivud kartinalarida suratga tushgan. 2020-yilda "The Outpost" Afg'oniston urushi dramasidagi roli uchun olqishlarga sazovor bo'ldi. Shuningdek, Amazon Prime Video telekanalining "Carnival Row" (2019–2023) serialida bosh rolni ijro etgan. U teatrdagi debyutini 2007-yilda West Endning Duke of York's teatrida sahnalashtirilgan "In Celebration" spektaklida ijro etgan. 2009-yilda YuNISEFning xayriya elchisi etib tayinlangan va 2015-yilda BAFTA Britannia gumanitar mukofoti bilan taqdirlangan.