Orkhan Aghazadeh

Orkhan Aghazadeh 1988-yil 30-avgustda Ozarbayjonning Lenkoran shahrida tug‘ilgan. Boku slavyan universitetida "Jurnalistika va ommaviy kommunikatsiyalar" yo‘nalishini tamomlagach, hujjatli filmlar suratga olishga qiziqib qolgan. Shu bilan birga, reklama sohasida ham faoliyat yuritib, televizion reklamalar yozgan va rejissorlik qilgan. Mahalliy televideniyeda ssenariynavis bo‘lib ishlagan davrda badiiy filmlarga bo‘lgan qiziqishi ortib, London kinomaktabida (London Film School) magistratura bosqichida tahsil olgan va u yerda rejissorlik hamda montaj mahoratini oshirgan.