Onur Tuna

Onur Tuna 1985-yil 2-iyulda Chanoqqalʼada tug‘ilgan. Onasi asli yunonistonlik (Saloniki), yer boshqarmasi xodimi bo‘lib ishlagan, otasi esa matematika o‘qituvchisi bo‘lgan. Dokuz Eylul universiteti Iqtisodiyot fakultetini tamomlagan. Shuningdek, Ege universiteti konservatoriyasida turk mumtoz musiqasini o‘rgangan. Gitara chalishni biladigan Tuna «Acın Verdi» va «Tıpkı Sen» nomli qo‘shiqlarni ijro etgan. O‘rta maktab yillarida voleybol va basketbol bilan shug‘ullangan, maktab teatr sahnalarida ishtirok etgan. Izmirda talabalik davrida to‘rt yil professional model bo‘lib ishlagan. Izmir Mujdat Gezen sanʼat markazida aktyorlik mahoratini oshirgan. Istanbulga ko‘chib o‘tgach, Umit Chirak, Ayla Algan va Saim Guvelog‘lu kabi ustozlardan metodik va kadr ortida aktyorlik saboqlarini olgan. Aktyorlik faoliyatini 2011-yilda «Hayat Devam Ediyor» seriali bilan boshlagan. Keyinchalik «Huzur Sokağı», «Filinta», «Cesur Yürek», «Yasak Elma», «Mucize Doktor» kabi loyihalarda suratga tushgan. 2014-yilda «Bi Küçük Eylül Meselesi» filmi bilan katta kinodagi debyutini amalga oshirgan, shuningdek, «Ağır Romantik» filmida bosh rolni ijro etgan.