Olivier Assayas

Olivier Assayas (1955-yil 25-yanvarda tug'ilgan) — fransuz kinoijodkori, ssenarist va kinotanqidchi. Assayas sekin rivojlanuvchi tarixiy lentalar, psixologik trillerlar, neo-nuar va komediyalarni o'z ichiga olgan rang-barang filmografiyasi bilan tanilgan. U xalqaro aktyorlar tarkibi ishtirokida fransuz, ispan va ingliz tillarida filmlar suratga olgan. Kinorejissyor Jacques Rémyning o'gshi bo'lgan Assayas o'z faoliyatini "Cahiers du Cinéma" jurnalida tanqidchilikdan boshlagan. U yerda jahon kinosi va uning kelgusida ijodiga ta'sir ko'rsatgan mualliflari haqida maqolalar yozgan. Bir nechta qisqa metrajli filmlar suratga olgach, 1986-yilda "Disorder" nomli ilk full-metrajli debyutini taqdim etdi. U to'liq metrajli filmlar suratga olishni davom ettirdi va uning karyerasida burilish nuqtasi bo'lgan "Cold Water" (1994) filmi Kann kinofestivalining "Un Certain Regard" bo'limida namoyish etilgan ilk kartinasi bo'ldi. Uning navbatdagi "Irma Vep" (1996) filmi ham Kann festivalidan o'rin oldi, "Sentimental Destinies" (2000), "Demonlover" (2002) va "Clean" (2004) filmlari esa rasman "Oltin palma yaprog'i" uchun kurashdi. 2006-yilda u "Paris, je t'aime" (2006) almanax-filmi uchun qisqa metrajli qism tayyorladi. Assayas o'zining "Summer Hours" (2008), "Clouds of Sils Maria" (2014) va "Personal Shopper" (2016) dramalari bilan olqishlarga sazovor bo'ldi; oxirgi filmi unga Kann kinofestivalining "Eng yaxshi rejissyor" mukofotini keltirdi. Shuningdek, u "Non-Fiction" (2018) komediyasi va "Wasp Network" (2019) josuslik trilleriga rejissyorlik qilgan.