Ofelia Medina

Ofelia Medina (4-aprel, 1950-yil) — meksikalik aktrisa, qo'shiqchi va ssenariynavis. U kino olamidagi faoliyatini 1968-yilda Meksikada suratga olingan "La paz" filmi bilan boshlagan, o'n yildan so'ng esa "The Big Fix" filmi orqali Gollivudga kirib kelgan. 1977-yilda "Rina" telenovelasida bukir qiz rolini ijro etgan. 1984-yilda Pol Ledyukning Frida Kalo hayotiga bag'ishlangan filmida bosh qahramon obrazini yaratgan. 1991-yilda Kanadada "Diplomatic Immunity" filmidagi ishi uchun "Genie Award" mukofotiga nomzod bo'lgan. Ofelia Medina dunyo bo'ylab ko'plab teatrlarda ham sahnaga chiqqan. 2000-yildan buyon "Cada quien su Frida" spektaklida Frida Kalo rolini ijro etib keladi. 2007-yilda Daniyaga tashrif buyurib, Orxus, Kopengagen va Odense shaharlarida Yens Galschiot galereyasida o'z chiqishlarini namoyish etgan.