Noah Centineo

Noa Gregori Sentineo (1996-yil 9-mayda tugʻilgan) — amerikalik aktyor. Oʻz faoliyatini televideniyedan boshlagan aktyor Disney kanalining «Austin & Ally» (2011–2012) serialida suratga tushgan. U 2015-yildan 2018-yilgacha «The Fosters» teleserialida asosiy rollardan birini ijro etgan. Netflix’ning «To All the Boys» franshizasi (2018–2021), «Sierra Burgess Is a Loser» (2018) va «The Perfect Date» (2019) kabi romantik komediya filmlaridagi bosh rollari ortidan keng shuhrat qozongan. Shundan soʻng Sentineo «Qora Adam» (2022) superqahramonlik filmida Atom Smasher rolini va Netflix’ning «The Recruit» (2022–2025) josuslik-sarguzasht serialida bosh rolni ijro etdi. Ekrandan tashqari, u «Favored Nations» xayriya tashkilotining asoschilaridan biridir.