Nina Arianda

Nina Arianda (Nina Arianda Matijcio) – amerikalik kino, teatr va televideniye aktrisasi. 2012-yilda «Venus in Fur» pyesasidagi roli uchun «Tony» mukofotiga sazovor bo‘lgan. Shuningdek, «Born Yesterday» spektaklidagi ijrosi uchun ham xuddi shu mukofotga nomzod etib ko‘rsatilgan. U Amazon Studios’ning «Goliath» serialida va 2018-yilda suratga olingan «Stan & Ollie» biografik filmida Sten Lorelning rafiqasi Ida rolini ijro etgan. Nina 1984-yil 18-sentabrda Nyu-Yorkning Manxetten shahrida dunyoga kelgan. U Nyu-Jersi shtatining Klifton va Germaniyaning Geydelberg shaharlarida o‘sgan. Yujin Lang kollejida bakalavr, Nyu-York universitetining Tisch san'at maktabida esa magistr darajasini olgan.