Nick Willing

Nik Willing — britaniyalik rejissyor, ssenariynavis va prodyuser. Portgaliyalik rassom Paula Rego va ingliz san’atkori Viktor Willingning o‘g‘li. Bolaligi Portugaliyada o‘tgan bo‘lsa-da, 12 yoshida Angliyaga ko‘chib o‘tgan. 1982-yilda Milliy kino va televideniye maktabini tamomlab, The Eurythmics, Bob Geldof, Swing Out Sister kabi guruhlar uchun musiqiy kliplar suratga olishni boshlagan. Ssenariylar yozish bilan ham shug‘ullangan va 1996-yilda Stiv Szilagining "Photographing Fairies" asari asosida film ishlagan. Bu asar tanqidchilar tomonidan ijobiy baholanib, 1998-yilda Méliès d’Or mukofotiga loyiq ko‘rilgan. 1999-yilda NBC telekanali uchun suratga olingan "Alice in Wonderland" filmi (bosh rollarda Vupi Goldberg, Ben Kingsli va b.) to‘rtta "Emmi" mukofotini qo‘lga kiritgan.