Nelly

Cornell Haynes, Jr. (1974-yil 2-noyabr), sahna nomi Nelly — amerikalik reper va qo‘shiqchi. 1993-yildan beri “St. Lunatics” guruhida ijod qilib keladi. Uning yakkaxon karyerasi 2000-yilda “Country Grammar” albomi bilan boshlangan va albom “Billboard 200” chartida birinchi o‘rinni egallab, AQSHda 8,4 million nusxadan ortiq sotilgan. Keyingi “Nellyville” albomi “Hot in Herre” va “Dilemma” kabi xit taronalari bilan mashhur bo‘ldi. Nelly 2004-yilda “Sweat” va “Suit” albomlarini bir kunda chiqargan bo‘lib, ikkala albom ham chartlarda yetakchilik qilgan. 2008-yilda “Brass Knuckles”, 2010-yilda esa “5.0” albomlarini taqdim etgan.