Neil Diamond

Nil Lesli Diamond (1941-yil 24-yanvarda tug‘ilgan) — amerikalik qo‘shiqchi va qo‘shiqnavis. 1960, 1970 va 1980-yillarda pop-musiqa olamida ko‘plab xit taronalar muallifi sifatida tanilgan. Devid Uayldning so‘zlariga ko‘ra, Diamond qo‘shiqlari uchun "chuqur yolg‘izlik hissi va unga qarama-qarshi bo‘lgan yaqinlikka intilish, uyga qaytish sog‘inchi va shu bilan birga erkinlikka bo‘lgan ishtiyoq, sevgi deb atalmish g‘aroyib narsaning yaxshi-yu yomon tomonlari" mavzulari xosdir. 2001-yilga kelib Diamond butun dunyo bo‘ylab 115 million nusxada albom sotgan. Billboard chartidagi muvaffaqiyatlariga ko‘ra, u Barbra Streyzand va Elton Jondan keyin tarixdagi eng muvaffaqiyatli Adult Contemporary janri ijrochisi hisoblanadi. 1980-yillardan keyin albom sotuvi biroz kamaygan bo‘lsa-da, u muvaffaqiyatli gastrollarni davom ettirib, o‘zining sodiq muxlislar bazasini saqlab qolgan. Uning qo‘shiqlari turli janrdagi ko‘plab san'atkorlar tomonidan qayta kuylangan. 1984-yilda Qo‘shiqnavislar shon-shuhrat zaliga, 2011-yilda esa Rok-n-roll shon-shuhrat zaliga kiritilgan. 2000-yilda Sammy Cahn nomidagi umrboqiy yutuqlar mukofoti bilan taqdirlangan.