Nay Htoo Naing

Nay Htoo Naing — myanmalik aktyor va rejissyor. Myanmaning jangari filmlar industriyasidagi eng muvaffaqiyatli aktyorlardan biri va «Myanmalik Chak Norris» nomi bilan mashhur. Faoliyati davomida 300 dan ortiq filmlarda suratga tushgan. 1979-yil 1-yanvarda Myanmaning Yenangyaung shahrida tug'ilgan. Maktabni bitirgach, Harbiy xizmat akademiyasiga (D.S.A) topshirgan, biroq jismoniy testlardan o'ta olmagan. Shundan so'ng aktyorlik karerasini boshlash uchun Yangonga ko'chib o'tgan. Ishchi va qo'riqchi bo'lib ishlagan aktyor 20 yoshida kinoda debyut qilgan. Maxsus aktyorlik ma'lumotiga ega emas, biroq rejissyor Aung Min Theinni o'zining ustoz deb biladi. «Ba Yoke» filmidagi bosh roli bilan kinoga kirib kelgan. «Amye Mae Dar» (Nomsiz qilich) filmi unga katta shuhrat keltirgan. «Mee Lat War» filmi esa uning ijodidagi eng sara asarlardan biri sanaladi. Aktyorlik bilan bir qatorda «Amone Zayike Amone Winkabar» filmini rejissyorlik qilgan.