Natalia Ng

Natalia Ng — golf bo'yicha o'smirlar o'rtasida milliy chempionlikdan go'zallik malikasi, teleboshlovchi, xonanda va aktrisalikka qadar bo'lgan yo'lni bosib o'tgan san'atkor. U "Miss Universe Malaysia 2013" tanlovida 2-o'rinni egallab, "Face Of Malaysia 2016" unvoniga sazovor bo'lgan. Natalia 2019-yil sentabr oyida o'zining "I Dare U To" nomli mini-albomini chiqarib, 3 ta klip suratga oldirgan. Uning ilk klipi — "FLY" Malayziyada Neway Karaoke Top 10 musiqiy videolari qatoridan joy olgan. Ingliz, mandarin va malay tillarini mukammal biluvchi san'atkor ko'plab tillarda qo'shiqlar kaverini ijro etgan. Kino olamidagi debyutini 2018-yilda "23:59: The Haunting Hour" filmida Ilon ayol roli bilan boshlagan. "Lion Moms" (2015), "The Fifth Floor" (2018) kabi seriallarda suratga tushgan, Singapurning Singtel TV Mio Stadium telekanalida FOX Sports Asia va Premyer-liga dasturlarini olib borgan. Shuningdek, Xitoyning Alibaba Live, Tian Mao, Suning, Yi Hao Dian va Jing Dong kabi yirik onlayn savdo platformalarida mehmon-boshlovchi sifatida faoliyat yuritgan. Ko'p qirrali ijodkor sportga qiziqishi bilan bir qatorda moda olamida ham tanilgan: NuYou jurnali tomonidan "IT Girl", Harper's Bazaar talqiniga ko'ra "Eng uslubli 10 nafar ayol" sirasiga kirgan va L'Officiel Squad Singapore jamoasi a'zosi bo'lgan. Malayziya, Singapur hamda Xitoyda ko'plab sport va go'zallik kampaniyalari, moda jurnallari hamda reklama roliklarida ishtirok etgan.