Nastassja Kinski

Nastassja Aglaia Kinski (asli familiyasi Nakszynski; 1961-yil 24-yanvarda tugʻilgan) — Yevropa va AQShning 60 dan ortiq filmida suratga tushgan germaniyalik aktrisa va sobiq model. U 1978-yilda suratga olingan «Stay as You Are» filmi orqali xalqaro miqyosda tanildi. Shundan soʻng Roman Polanski rejissyorligidagi «Tess» (1979) filmidagi bosh roli uchun «Oltin globus» mukofotiga sazovor boʻlib, jahon miqdorida shuhrat qozondi. Uning boshqa mashhur filmlari qatoriga Frensis Ford Kopolaning «One from the Heart» (1982) myuzikli, Pol Shraderning «Cat People» (1982) erotik-horrori, shuningdek, Vim Vendersning «Paris, Texas» (1984) va «Faraway, So Close!» (1993) dramalari kiradi. U shuningdek, «An American Rhapsody» (2001) biografik dramasida ham rol oʻynagan. Kinski germaniyalik taniqli aktyor Klaus Kinskining qizidir.